مين هو عم دهب !

    • عم دهب متجر الكتروني متخصص في بيع المنتجات عبر الانترنت منذ 2017  شركة ذات مسئوليه  محدودة  مقرها الرئيسي مدينه المنصورة

يقوم متجر عم دهب بالتسويق للغير من خلال عرض المنتجات الخاصه بالبائعين على متجرنا 

رسالتنا

    • هي تحقيق تجربة تسوق فريده للعملاء من خلال خدمة الشحن وسرعتها  وجودة المنتجات و الاسعار المنافسة

رؤيتنا

    • تلبية احتياجات العملاء من توفير المنتجات الخاصه بهم وذلك للحصول على سهوله وتوفير طلباتهم من خلال منصه واحده يثق فيها العملاء

حكاية عم دهب

كشك ” عم دهب ” اونلاين

اهلا بيك في كشك عم دهب

دهب اسطورة في عالم البط والبشر, “عم دهب” بيوفرلك كل احتياجات البيت واحتياجاتك الشخصية اللي هتقدر توصلها بسهولة وانت قاعد في مكانك عن طريق الانترنت. هتلاقي عند ” عم دهب ” كل الاقسام اللي ممكن تحتاجها من اجهزة الكترونية موبايلات وتابلت بأجود الانواع وارخص الاسعار وافضل الماركات العالمية والمصرية. هتلاقي كمان كل مسلتزمات البيت والمطبخ بداية من اجهزة البيت ( تكييفات, ثلاجات, تلفزيونات, مجففات … ) والاثاث وقطع الديكور والسجاجيد والمفارش حتي مساحيق الغسيل ومستحضرات التنظيف و .. التغذية.

متجر عم دهب لكل العيلة!

و عشان دايما تطلعي انتي و بيتك في احسن صورة ” عم دهب ” دايما حريص علي كل فرد في العيلة. هتلاقي قسم كامل خاص بمستلزمات طفلك زي الحفاضات , وشامبو الاطفال, وزيت العنايه بالطفل وكمان الالعاب.

وقسم خاص بيكي انتي من مستحضرات العناية بالبشرة و مساحيق التجميل

كمان ” عم دهب ” مبينساش اصحابه, عشان كده لو مستعجل في هدية لحد من اصحابك ” عم دهب ” بيقدملك اختيارات كتير من اكسسوارات , صناعات يدويه, ساعات, احذية, ملابس , كتب ومستلزمات مكتبية. كل ده واكتر بتوصيل سريع وشحن قليل

ولو انت من محبي تربية الحيوانات, هتلاقي في “عم دهب” الاكل والاكسسوارات الخاصة بيهم.

عم دهب وسعادة الوصول لقرش الحظ!

زي ما هدف “عم دهب” الاول الوصول لقرش الحظ كمان هدفه يحافظ عليه في جيب كل عميل من عملائه واصدقائهم, هتلاقي دايمأ قرش حظك فى افضل العروض والمفاجات علي كل المنتجات, تابعنا علي مواقع التواصل الاجتماعي عشان تعرف العروض والتخفيضات قبل اي حد وهتلاقي الاجابة علي كل تساؤلاتك.

“قسم الاطفال”

” كشك الاطفال “

ولأن دايما “عم دهب” بيهتم بكل فرد في عيلته, وبيخصص قسم كامل لكل واحد فيهم واحتياجاته, مكتفاش بمستلزمات الاطفال في كشك ” عم دهب” وعمل ” كشك ” للاطفال وبس; من سن الرضاعه ولحد المدرسة, فيه هتلاقي كل اللي يحتاجه طفلك من مستلزمات وادوات العناية سواء العناية بالبشرة ” المناديل المبلله وبودرة الاطفال وكريمات الترطيب وشامبو الاستحمام ” , او بالتغذية; هتلاقي ادوات الطعام ” اطباق وببرونة واكواب ” و منتجات التغذية.

وفرنالك كمان الادوات اللي هتحتاجها انت خلال سنين تربيتك لطفلك, عربات الاطفال والشنط اللي بتحتاجها اي ام برة البيت, شيالة الاطفال وكراسي الاطفال. ولو محتاج مساعده في تربية طفلك, روح بسرعه لقسم الكتب هتلاقي ” عم دهب” بيقدملك المساعده من خلال كتب عالمية ومحلية في تربية الطفل.

الكشافة الصغار 

“سوسو ولولو وتوتو” احفاد عم دهب في مرحلة الدراسة, عشان كده بيوفرلهم كل ادواتهم المدرسية اللي هيحتاجوها ” شنط , اقلام , مقالم , لانش بوكس.. ” ومنتجات تانية كتير.

مش بس كده, الاكيد ان معروف عنهم حبهم للمغامرة و الاستكشاف ف ” عم دهب ” بيقدملهم مجموعه متنوعة ومختارة من الالعاب اللي هتسليهم وتنمي قدراتهم وتساعدهم علي اكتشاف العالم حواليهم. ” عم دهب ” صديق الاطفال!

وقتك يهمنا

ولاننا عارفين ان اي ام عندها اطفال في مرحلة الدراسة او مستنية مولود جديد معندهاش الوقت الكافي انها تشتري احتياجاتهم وسط زحمة الاسواق وضيق الوقت, عشان كده وفرنالك كل اللي تحتاجيه في اي مرحلة من مراحل الطفل بضغطه زرار من بيتك وهيوصلك المنتج لحد عندك في اي مكان في اسرع وقت. وبكده توفري وقتك ومجهودك. ” عم دهب ” منقذك دايما!

كشك  عم دهب
مرحبا بك في موقع عم دهب 

” عم دهب ” جابلك كشك لحد البيت وفرلك فيه كل اللي ممكن تلاقيه في اكبر سوق او ماركت حواليك من مستلزمات البيت والاحتياجات الشخصية , مستلزمات العناية بالطفل ، مستلزمات العناية بالبشرة والجسم ، الغسيل والمنظفات و مستلزمات العنايه بالشعر المنزلية ، و المشروبات والاطعمة و مستلزمات الحيوانات الأليفة.

هتلاقيها وبتخفيضات كبيرة مش هتلاقيها في اي ماركت تاني من نفس الشركات والمنتجات العالمية دايما تابع عروضنا اللي بتنزل عالمنتجات اول باول واطلب كل اللي محتاجه وانت في مكانك.

” دهب ” ينظف المدينة!

في كشك عم دهب هتلاقي كل ادوات واجهزة التنظيف غسالات اطباق ومنظفات اخري. بافضل الاسعار في مصر وافضل الماركات العالمية. هتلاقي كمان فرش التنظيف وممسحة الارضيات وممسحة البخار واي حاجه ممكن تيجي علي بالك من ادوات واجهزة التنظيف.

” عم دهب ” لتربية الحيوانات الاليفة

لكل محبي تربية الحيوانات الاليفه في كشك ” عم دهب ” هتلاقي قسم خاص بالعناية بالكلاب والقطط, الطيور, الاسماك. فيه كل انواع الاغذية الخاصه بالحيوانات من “طعام جاف، حبوب..” هتلاقي كمان كل ادوات التنظيف، فرش شعر الحيوانات، احواض السمك وفلتر احواض السمك، واكسسوارات تانيه كتير زي اطواق والعاب وملابس وكل اللي تحتاجه في تربية حيوانك.

” ازياء, موضة “

” عم دهب ” صاحب الفخامة

زي ما ” عم دهب ” مبيستمتعش الا بغطسة منعشة في خزنة فلوسه العظيمة, ناس كتير مبتتبسطش و مزاجها بيتغير الا بالشوبنج, في ” عم دهب ” هتستمتع باجدد اتجاهات الموضة سواء حريمي او رجالي او اطفال. هتلاقي كل اللي تحتاجه من ملابس واحذية واكسسوارات ملابس محجبات ، فساتين سهرة ، فساتين ، ملابس اطفال ، فساتين اطفال ، ملابس رجالى ، ملابس حريمى ، موديلات عبايات، احذية حريمي واحذية رجالي وشنط حريمي بالسعر اللي يناسبك والماركة اللي بتحبها.

ابو الافكار

مش عارف تلبس ايه وانت رايح الجامعة؟ سهرة؟ انترفيو؟ مش عارفه ازاي تظبطي شعرك واكسسواراتك؟ عم دهب ; ابو الافكار هو مكانك المناسب عشان تلبس وتختار صح. وده لان عم دهب بيقدملك مجموعة متنوعة من احدث الملابس واشيكها من اشهر الماركات العالميه والاقتراحات المختلفة لاكبر مصممي الازياء مع صور واقعيه تشتري وكانها بين ايديك وتقيسها وانت قاعد في البيت.

” زيزي ” ايقونة الموضة!

جوه كل بنت من وهي صغيرة ” فاشونيستا ” بدأت بالعاب تلبيس و ميك اب باربي, وكبرت معاها وهي بتكبر. لوعاوزة تكوني فاشونيستا حقيقية ولبسك دايما مميز؟ ” عم دهب ” خصصلك قسم.. ليكي انتي! هتلاقي كل اللي تحتاجيه من ملابس واكسسوارات واحذية تناسب خروجك اليومي وكمان تناسب سهراتك المسائية.  كوني متألقة دائما ومميزة مع ” عم دهب “

خدمة ” دهب كوبر ” !

زي ما الفضل في اختراع الموبايل اللي سهل علينا الحياة وقرب العالم من بعضه  بيرجع  ل ” مارتن كوبر ” . خدمة ” دهب كوبر ” سهلت عليك الوصول لكل انواع الموبايلات والسمارت فون زي ابل, سامسونج, لينوفو, وكل الانواع مع العروض والمفاجات اللي بتسهل السعر والتوصيل عليك.

“عم دهب ” دليلك للاجهزة!

مبتفضلش الشاشات الصغيره وعاوز تجيب تابلت او ايباد؟ ” عم دهب ” دليلك للاجهزة بيقدملك وصف تفصيلي لامكانيات كل نوع, هتعرف الفرق بينهم و تختار حسب احتياجك واستخدامك اليومي وحسب ميزانيتك. بيوصلك لحد عندك, بطريقة الدفع اللي تناسبك.

عبقرينو مخترع كل شئ!

اكيد بتستمع لما بتتفرج علي فيلم بتقنية 3D , تقنية ثلاثية الابعاد لانها بتضيف جزء من الواقع بتعيش جواه وتتأثر بيه خلال ساعات الفيلم, تخيل لو جبنالك ” اختراع ” يدخلك جوه الفيلم, الاختراع ده هو ” نظارات الواقع الافتراضي ” نظارات بتخليك تحس بالواقعيه وانت بتتفرج علي فيلم او بتلعب لعبة. “عبقرينو  وفرلك الاختراع ده في ” عم دهب ” بمختلف ماركاته oculus , Samsung , sony وغيرهم. متنستاش واطلب نضارتك حالا!

جهز بيتك بضغطة زر!

الوقت ضيق ومسئولياتك كتير وعاوز تجهز بيتك وتزوده بكل الاجهزه المنزليه اللي تسهل عليك الحياه وتساعدك؟ ” عم دهب ” وفرلك وقتك وجهدك وجابلك كل اجهزة البيت اللي ممكن تحتاجها ” تكييفات , غسالات, ثلاجات , ميكروييف ” وكل الاجهزة اللي هتكون ايدك اليمين في البيت و تسهل عليك الحياة. هتلاقيها من افضل العلامات التجارية مع توافر قطع الغيار والضمان. مش بس الاجهزة الالكترونية، انت كمان ممكن تجهز اثاث بيتك وانت قاعد في البيت، هتلاقي كل اللي تحلم بيه في “عم دهب “

ضيف لبيتك الفخامه من غير ما تدفع بضخامه!

في قسم ” المنزل ” مش بس هتجهز بيتك, انت كمان تقدر تضيف عليه لمسات جمالية تغير من البيت وتحسن من مزاجك. سواء البيت مودرن او كلاسيك هتلاقي الديكورات اللي تناسبه و تضيف حياة, فخامة, وبساطه لبيتك. اكتشف عندنا بيتك ناقصه ايه وشوفه بشكل جديد , هتلاقي انتيكات, بورتريهات, فازات وحاجات تانيه كتير من ادوات الديكور.

تخفيضات القرن

ولأن دايما تجهيزات البيت بتكلفك كتير وقت وجهد وكمان فلوس. عم دهب عملك تخفيضات تناسب ميزانيتك وكمان توفرلك. هتلاقي دايما عروض متجددة ومفاجات وهدايا علي كل اجهزة البيت. كل اللي عليك تتواصل دايما معانا وهتلاقي كل اللي تحتاجه.

العالم الموازي

واحنا حياتنا بتستمر, في حياة تانيه في عالم تاني, مبنقدرش نوصل للحياه دي الا من خلال اجهزه الكترونية بتوفرلنا الانفتاح علي العالم وتخلينا نقدر نواكب العصر. عشان كده من اهم منتجات ” عم دهب ” هي الاجهزة الالكترونية زي الكومبيوتر واللاب توب, الريسيفر, وغيرهم كتير. بتتعدد الاختيارات بتعدد الاغراض وتعدد الاسعار. هتلاقي بجانب انواع الكومبيوتر واللاب توب والطابعات المختلفة, قطع غيار واكسسوارات وشنط وسماعات وبرامج وانظمة تشغيل. مش هتحتاج اي مكان تاني غير ” عم دهب “

لاب توب ولا pc  ؟

الآنسة “سريعه” سكرتيره عم دهب كانت محتارة بين الكمبيوتر ولا تواكب تغييير العصر وتستخدم لاب توب. وياتري ايه مميزات وعيوب كل واحد فيهم؟ دخلت علي موقع “عم دهب” وعرفت الفرق بين الاتنين و شافت كمان كل الماركات العالمية والتخفضيات والعروض علي كل الاجهزة و اختارت اللي يناسبها ويناسب شغلها في خزنه “عم دهب ” . انت كمان اعمل زي الانسه سريعه وادخل خد قرارك بنفسك و اطلب اللي يناسبك و عم دهب هيوصلهولك لحد عندك.

طباعه ورقك في بيتك..

في يوم ” عم دهب ” كان مستعجل وعاوز يطبع اوراق مهمه لشغله الا انه يوم اجازة كل المطابع. عشان كده “عم دهب ” قرر يوفرطابعه لكل بيت. مش هتحتاج تروح في اي حتة من دلوقتي وكل شغلك هيخلص من بيتك! كل اللي عليك تطلب طابعتك من ” عم دهب ” هتلاقي كل ماركاتك المفضلة وهتلاقي كمان كماليات الطابعات وافضل الماسحات الضوئية.

سجل لحظات حياتك!

الحياة بتمر علينا لحظات. لحظات فرح وسفر ولحظات حلوة بنعيشها مع اصحابنا. سجل لحظاتك دي وخليها دايما ذكري معاك بطلبك لواحدة من افضل الكاميرات اللي هتلاقيها في ” عم  دهب ” نيكون، كانون او سوني. وعيش دايما اللحظة!

مكتبة ” عم دهب “

لو انت دودة قراية ولسه عندك شغف بامتلاك الكتب بين  ايديك وبريحة ورق الكتب, ” عم دهب ” هيساعدك علي اكتشاف الكتب العظيمة. هيساعدك كمان انك توصل وتكتشف نوع الكتب اللي بتحب تقراه. هتلاقي الكتب الاكثر مبيعا, احدث الاصدارات وكمان الكتب المسجلة بالصوت، في كل المجالات زي الادب, الخيال, الغموض والاثارة, كتب الالغاز, الرومانسية والروايات. كمان كتب الطبخ, الازياء وكتب للاطفال لكاتبيها العالميين والمحليين ومترجمة بكل اللغات.

” عم دهب ” يحصي ثروته بالاله الحاسبة!

فيه ادوات مكتبية مبتقدرش تستغني عنها, من وانت طفل في المدرسة, مرورا بمرحلة الجامعة وحتي في مرحلة الشغل. عشان كده ” عم دهب ” فتحلك مكتبة هتلاقي فيها كل الادوات اللي ممكن تحتاجها في اي مرحلة من دول ” اله حاسبه, شنط, شنط لابتوب,كراسات, ادوات الرسم ولحد الاقلام, البرايات ودبابيس الورق” . وبكده تقدر تجهز لمكتبك/لمدرستك/ لجامعتك /او لشغلك من البيت، و “عم دهب ” بيضمنلك جودة الخاامات و تنوع الاشكال.

مصنوعات من “دهب”

في ” عم دهب ” هتقدر تلاقي حاجات تشبهك, معمولة بحب و تميز, فريدة من نوعها ملهاش نسخ كتير مكررة زي اللي بتعملها الماكينات. هتلاقي التنوع والدقة في في مصنوعات مليانه الوان وبهجة ومرح. هتلاقي القطعة الخاصة بيك، اللي تقدر تتواصل معانا في اي وقت وتطلبها. هتلاقي افكار هدايا  لعيد الام, الاب , حفلات الزفاف, اعياد الميلاد او احتفالات الذكري السنوية. كمان تقدر تطلب ديكور مختلف لبيتك, مجوهرات, شنط وكل اللي ممكن تتخيله من مصنوعات ” عم دهب ” اليدوية.

سوّق واتسوّق!

معانا في قسم ” الصناعات اليدوية ” انت دايما كسبان. زي ما تقدر تتسوق وتلاقي كل اللي تحبه, تقدر كمان تسوق لمشروعك او منتجاتك اليدوية المختلفة. كل اللي عليك تتواصل مع تيم ” عم دهب ” عشان منتجاتك تطلع للنور.

المنتج المصري

“عم دهب” ومنافسه “ياقوت”

زي ما “عم دهب ” في منافسه مستمره مع خصمه ” ياقوت ” , فيه صناعات مصرية كتير في تنافس كبير مع صناعات عالمية وبتتفوق عليها لكن مفيش اعلان ليها صح, عشان كده ” عم دهب ” جابلك احسن الصناعات المصرية اللي تقدر تستغني بيها وكمان تفضلها عن الصناعات العالمية. هتكتشف صناعات مصرية في مختلف المجالات من افضل الخامات وارخص الاسعار. شجع صناعه مصر!

جولات ” عم دهب ” في مصر

فخار؟ سيراميك؟ اثاث؟ ملابس؟ تقدر تشتري ايه صناعه مصرية كويسة؟ “عم دهب ” بياخدك لفه في كل حته في مصر وبيوريك منتجاتها اللي تقدر تختار ما بينها وتقارن صناعتها بالصناعه الاجنبية وتشوف المواد الخام بتاعتها وتعرف الفرق. لفه في ” خان الخليلي ” وتتفرج علي السجاد اليدوي والاكسسوارات المختلفة اللي تقدر تزين بيها بيتك او تاخدها هديه لاي حد تذذكار من مصر. لفة في ” دمياط ” وتشوف خشبها واثاثها المشهور اللي تقدر تجهز بيه بيتك. ولفه في “صعيد مصر” تشوف اواني الفخار اللي ممكن تستبدل “الصيني ” بيها.

صنع من قطن مصري..

” عم دهب ” بيدور كل سنة عن مشروعات جديدة يكبر بيها ثروته الضخمة. وعشان يدخل عالم الاقمشة والازياء مش هيلاقي احسن من ” مصر ” بلد القطن علي مدار الاف السنين. هتلاقي كل الملابس والمنسوجات القطنية اللي بتتصنع منها اشهر الماركات بس ” صنع في مصر ” .

“سوق الجملة”

بالجملة من ” عم دهب ”

دلوقتي في “عم دهب ” و لأول مرة “سوق الجملة ” هيجيلك لحد عندك في البيت بعيد عن زحمة شوارع ومواصلات المدينة. هتقدر توفر وقتك وفلوسك وتشتري كل احتياجاتك من الخضار والفاكهه مرة واحدة بالكمية اللي تعوزها وطريقه الدفع اللي تناسبك وتوصلك في الوقت الي تحدده.

مزارع “الجده بطه”

عم دهب والجدة بطه قرايب من الدرجه اولي. “لوز” مسئول التوصيل من مزارع ” الجدة بطه” مباشره ل “عم دهب ” بيضمنلك التوصيل اليومي لاجود الفاكهة والخضارمن اكثر المزارع ثقة وجودة. صحتك تهمنا!

كشك اونلاين عم دهب .. طريقك الافضل للتسوق

3MDaHaB Is The Best Way For Online Shopping

3MDaHaB NoT 3aMDahab

للتواصل مع عم دهب من خلال  رقم الهاتف 01550888562 -01550888563

البريد الالكتروني

info@3mdahab.com

للتواصل معنا من خلال قنوات التواصل الاجتماعي